Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 62 Hüküm no: 27 Orijinal metin no: [5b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un altın ve eşyalarının gasb edildiğini ispatlayamadığı Ma‘rûz; Arzuhâl sahibelerinden Âişe nâm hatun dîvân-ı âlîlerinde ma‘kūd meclis-i şer‘de arzuhâlde mezkûrü’l-ism Bulgurlu karyesi sâkinlerinden Ali tarafından vekîli olan diğer Ali ile mürâfa‘a-i şer‘ oldukda târih-i i‘lâmdan yirmi beş gün mukaddem karye-i mezbûrede kapısı önünde yetmiş guruşluk altun bir bilezik ve boynumdan otuz zer-i mahbûb altun ve kırk guruş kıymetli bir cübbemi nehâren ahâlî-i karye huzûrunda ahz ü kabz eyledi deyü mezbûre Âişe eşyâ-i mezkûreyi mezbûre İsmihan dahi bi gayr-ı hakkın beni darb eyledi deyü ba‘de’d-da‘vâ ve’l-inkâr müdde‘âlarını beyân içün mehl-i şer‘î verilip bir vechile isbâta kādire olmayıp yemîn vermeye dahi tâlibeler olmayıp mezbûretâna gaybet etdikleri mübâşirleri İsmail Çavuş kulları iltimâsıyla huzûr-ı âlîlerine i‘lâm olundu. Fermân men-lehu’l-emrindir. Fî 28 Rebî‘ülâhirsene 1154