Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 63 Hüküm no: 28 Orijinal metin no: [5b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. ‘mâ Şeyh İbrahim ile Hasan’ın evlerine ilave ettikleri kısımların komşularına zarar verdiği Ma‘rûz; Vârid olan fermân-ı âlîlerine imtisâlen taraf-ı şer‘den irsâl olunan Ahmed Efendi dâ‘îleri mi‘mâr ağa hulefâsından Şaban Halîfe ve İbrahim Halîfe ve sâir cemâ‘at-i Müslimîn ile arzuhâlde mezkûr mahâll-i nizâ‘ın üzerine varıp ba‘de akdi’l-meclis Üsküdar’da Torbalı mahallesinde sâkine Safiye hasmı ‘mâ Şeyh İbrahim ile mürâfa‘a oldukda mezbûr Şeyh İbrahim müceddeden binâ ve ihdâs eylediği fevkānî odasının üç penceresinden mezbûre Safiye’nin makarr-ı nisvân olan avlu ve kenîf ve oda kapısına havâlesi olduğu şer‘an zâhir ve zarar-ı mezkûrun ref‘i kapaklama kestane ve kuşakları beylik tabandan görünmeyecek mertebe tahta perde ile ref‘ olur deyü mi‘mârân-ı mezbûrân ittifâk ve ber-vech-i muharrer havâle zararını ref‘e mezbûr Şeyh İbrahim’e tenbîh olundukdan sonra yine mahalle-i mezbûreden ihtiyâr Hasan’ın menzili cânibine çıkardığı ocaklığı ve hakk-ı kanadı olmamağla pencerenin kanatlarını kat‘ ve saçağı suyunu kendi tabanı üzerine oluk vaz‘ ve damla suyunu oluk ile tarîk tarafına cereyân etdirmek üzere tenbîh eylediği merkūm dâ‘îleri mahâllinde tahrîr ba‘dehû ma[‘an] mürsel Ömer Efendi ve el-Hâc Hanefi ile meclis-i şer‘a gelip alâ-vukū‘ihî inhâ ve ihbâr eyledikleri ber-mûceb-i fermân-ı âlî huzûr-ı âlîlerine i‘lâm olundu. Fermân men-lehu’l-emrindir. Fî-selhi Rebî‘ülâhir sene [1]154