Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 78 Hüküm no: 65 Orijinal metin no: [11a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hırsızlık yapıp ahalinin huzurunu bozan Mustafa’nın yakalandığı Ma‘rûz; Üsküdar’a tâbi‘ Bulgurlu karyesi Subaşısı el-Hâc Mehmed karye-i mezbûre ahâlîsinden meclis-i şer‘a ihzâr eylediği Mustafa muvâcehesinde mezbûr Mustafa kendi hâlinde olmayıp karye-i mezbûrda ahâlînin bağ ve bostanlarının kavun ve karpuz ve üzüm mahsûlâtını leyl ü nehâr hufyeten ahz ü gasb ve birkaç def‘a tenbîh olundukda mütenebbih olmamağla hakīkat-i hâl bî-garaz Müslimînden ba‘de’t-tefahhus i‘lâm olunmak murâdımdır dedikde karye-i mezbûre ahâlîsinden müseccelü’l-esâmî sekiz nefer kimesneler mezbûr Mustafa muvâcehesinde alâ-vechi’ş-şehâde haber vermeleriyle subaşı kulları iltimâsıyla mezbûr Mustafa i‘lâmıyla huzûr-ı âlîlerine irsâl olundu. Fî 22 Cumâdelûlâ sene 1154