Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 78 Hüküm no: 66 Orijinal metin no: [11b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Medrese öğrencilerinin eşyalarını çalan Ahmed b. Mehmed’in yakalandığı Ma‘rûz; Üsküdar’da Mihrimah Sultan Câmi‘-i şerîfi Medresesi’nde sâkin Molla Ali ve Molla Hasan nâm kimesneler kayıkçı rençberi olduğunu meclis-i şer‘de mu‘terîf olan Ahmed b. Mehmed ile ba‘de’t-terâfu‘ târih-i i‘lâm gecesi kable’l-ışâda mezbûr Ahmed medreseye duhûl ve ip üstünde medrese avlusunda sergide mezbûr Molla Ömer’in meclis-i şer‘de mevcûd bir yorganını mezbûr Molla Hasan’ın ve iki don ve bir çârşebini ahz ü gasb edip firâr ederken ahz olunduğunu ve eşyâ-i mezkûre yedinde olduğu hâlde müdde‘iyân-ı mezbûrânın mülkleri olduğu yine medresede sâkin es-Seyyid Ahmed ve Molla Hasan ve diğer Molla Hasan nâm kimesneler şehâdetleriyle sâbit ve zikrolunan eşyâ sahiplerine teslîm olundukdan sonra mezbûr Ahmed böyle töhmet ile ahz ve sâire mûcib-i nasîhat içün taraf-ı âlîlerinden tedîb buyurulmak ricâsına i‘lâmıyla huzûr-ı âlîlerine i‘lâm olundu. Fî 18 Cumâdelûlâ sene 1154