Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 79 Hüküm no: 67 Orijinal metin no: [11b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah’ın cariyesi Hatice’nin ücret talebinde bulunmasının uygun olmadığı Ma‘rûz; Derûn-ı arzuhâlde mezkûrü’l-ism el-Hâc Abdullah’ın câriye-i mevtû’esi el-asl sahibe-i arzuhâl Hatice mezbûr el-Hâc Abdullah ile murafa‘a-i şer‘ oldukda mezbûr el-Hâc Abdullah’ın on bir seneden beri câriye-i mevtû’esi olup hâlâ beni menzilinden ihrâc edip te’ehhül eylediği ecilden zimmetinde olduğum on bir senelik ecr-i mislimi taleb ederim deyü eylediği ecr-i misl da‘vâsı meşrû‘ olmayıp mezbûr el-Hâc Abdullah’a suâl dahi teveccüh etmemekle müdde‘iye-i mezbûre Hatice bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Bâkī fermân men-lehu’l-emrindir. Fî Cumâdelûlâ sene [1]154