Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 79 Hüküm no: 68 Orijinal metin no: [11b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Bey’in, Kassam İbrahim Efendi Vakfı mütevellîsi Ahmed’e olan borcunu ödemesi Ma‘rûz; Üsküdar’da Evliyâhoca mahallesinde vâki‘ merhûm Kassâm İbrahim Efendi Vakfı’nın bi’l-fi‘il mütevellîsi el-Hâc Ahmed hasmı Osman Bey muvâcehesinde mahalle-i mezbûrede vâki‘ tasarrufunda olan menzilinin kârizlerini vakf-ı mezbûra senede altmış akçe mukāta‘a ile bâ-hüccet-i şer‘iyye ilhâk ve icrâ ve sekiz senede müctemi‘a olan dört yüz seksen akçe kâriz mukāta‘asını vakıf içün bi’t-tevliye taleb ederim deyü ba‘de’d-da‘vâ ve’l-ikrâr mûcebince zikrolunan kârizlerin mukāta‘a olan meblağ-ı merkūm dört yüz seksen akçeyi mütevellî-i mezbûra edâ ve teslîme mezbûr Osman’a tenbîh olunduğu bi’l-iltimâs huzûr-ı âlîlerine i‘lâm olundu. Fî-selhi Cumâdelûlâ sene [1]154