Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 88 Hüküm no: 88 Orijinal metin no: [15a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed’in, evine adam toplayıp içki içen ve ahaliyi rahatsız eden damadı Maraşîzâde Mustafa’dan şikayetçi olduğu Ma‘rûz; Sahib-i arzuhâl el-Hâc Ahmed derûn-ı arzuhâlde mezkûrü’l-ism dâmadı Maraşîzâde demekle arîf Mustafa muvâcehesinde mezbûr Mustafa Üsküdar’da Kefçe mahallesinde kerîmem Fâtıma ile ma‘an sâkine olduğu menzile nâ-mahrem getirip şurb-i hamr ve fısk ü fesâd ve gece hâlinde âlet-i harb ve rüfekâsı ile gidip ba‘dehû yine gece hâlinde menziline gelip ol vechile emniyetimiz yoktur deyü da‘vâ ve civârında olup meclis-i şer‘a hâzırûn olan Habeşî Ali Ağa ve Duhânî Mehmed ve Ali ve Hüseyin nâm kimesneler muvâcehesinde ve yine mahalle-i mezbûrede sâkin İmâm Hasan Efendi ve Müezzin İbrahim ve Zâkirzâde İbrahim ve Hasan nâm kimesneler gıyâbında bi’d-defa‘ât kendüye nush ve pend ve tevbe ve istiğfâr ve bu vech üzere oldukdan sonra yine mütenebbih olmayıp minvâl-i muharrer üzere olduğunu ba‘de’ş-şehâde mezbûr Mustafa dahi kendüye şurb-i hamra tevbe verdiklerini ikrâr ve bi’l-cümle emniyet yokdur deyü haber vermeleriyle mezbûr ıslâh-ı nefs içün şer‘an tedîbe muhtâc olduğu bi’l-iltimâs huzûr-ı âlîlerine i‘lâm olundu. Fî 9 Cumâdelâhire sene [1]154