Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 89 Hüküm no: 90 Orijinal metin no: [15a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İmam Ahmed Halife’nin ziyaret için memleketleri Prevadi’ye gidip dönen yakınlarına mani olunmaması Ma‘rûz; Derûn-ı arzuhâlde mezkûr husûsun hakīkati sahib-i arzuhâl İmâm Ahmed Halîfe yirmi seneden mütecâviz Üsküdar hâricinde Cüzzâmlar Zâviyesi’nde imâm olup arzuhâlde isimleri mastûr zevcesi Fâtıma ve kayınvâlidesi Âişe ve imâm-ı mezbûrun vâlidesi Âmine ve sulbiye kızı Zeyneb ile ma‘an târih-i i‘lâmdan kırk gün mukaddem sıla-i rahm içün yine avdet etmek üzere Prevadi kazâsına gitmişdi deyü zâviye-i mezbûrda sâkin dedelerden müseccelü’l-esâmî Müslimîn arzuhâlin iddi‘âsı vâki‘dir deyü ihbâr ve mahâll-i merkūma gidip avdet ve hâlâ Kavaklar’[da] olmalarıyla yine zâviye-i mezbûreye mürûrlarına mümâna‘at olunmamak bâbında fermân-ı âlî ricâ eyledikleri ber-mûceb-i fermân-ı âlî huzûr-ı âlîlerine i‘lâm olundu. Bâkī fermân men-lehu’l-emrindir. Fî 12 Cumâdelâhire sene [1]154