Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 90 Hüküm no: 92 Orijinal metin no: [15b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ahmed Efendi’nin vârislerinin Taşcı Eyüb ile aralarındaki davada sulh oldukları Ma‘rûz; Vârid olan fermân-ı âlîlerine imtisâlen taraf-ı şer‘den irsâl olunan Ahmed Efendi dâ‘îleri, ta‘yîn buyrulan Mehmed Çavuş kulları müseccelü’l-esâmî Müslimîn ile Üsküdar’da Aşcıbaşı mahallesinde Karacaahmed Tekyesi önünde akd-i meclis-i şer‘-i âlî ettikde derûn-ı arzuhâlde mezkûr müteveffâ Mehmed’in zevce-i menkûhası Sâliha ve anası diğer Sâliha nâm hatunların zâtları ba‘de’t-ta‘rîfü’ş-şer‘î asâleten ve sagīr oğlu Mehmed ve sagīre kızı Âmine’nin tesviye-i umûrlarına vasiyyeleri olan anaları mezbûre Sâliha vesâyeten hasımları Taşcı es-Seyyid Eyüb ile arzuhâlde münderiç olan da‘vâlarını isbâta kādireler olmayıp sulh sagīrler hakkında enfa‘ olmağla muslihûn tavassutuyla altmış beş guruş bedel-i makbûza sulh olup husûs-ı mezbûra müte‘allika da‘vâdan bi’l-asâle mezbûr es-Seyyid Eyüb’ün zimmetini ibrâ ve bi’l-vesâye fâriğa olduğunu mahâllinde tahrîr ba‘dehû huddâm-i şer‘den Molla Ömer ve Mustafa ile meclis-i şer‘a gelip alâ-vukū‘ihî inhâ eylediği mübâşir-i merkūm iltimâsıyla huzûr-ı âlîlerine i‘lâm olundu. Fî 15 Cumâdelâhire sene 1154