Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 91 Hüküm no: 93 Orijinal metin no: [15b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife’nin gece vakti evine giren Tellak Mehmed’den şikayetçi olduğu Ma‘rûz; Üsküdar’da Ağahamamı kurbünde vâki‘ menzili sekiz gün mukaddem istîcâr ve derûn-ı menzilinde sâkine sahibe-i arzuhâl Hanife hamam-ı merkūmda dellâk Mehmed ve refîki Mollaoğlu diğer Mehmed muvâcehelerinde târih-i i‘lâm gecesi mezbûr Dellâk Mehmed hamam-ı merkūm külhanı tarafından menzile duhûl ve refîki kim olduğu ma‘lûmum olmayıp dellâk-ı mezbûr istintâk olunup i‘lâm olunmak matlûbumdur dedikde mezbûr dellâk merkūm Mehmed hamam külhanı tarafından duhûl eyledim ve refîki mezbûr Mollaoğlu dahi cevâbında beni gözediver demekle ben dahi menzil-i merkūm kurbünde vâki‘ bakkāl dükkânı önünden gözediverdim deyü meclis-i şer‘de takrîrleri ba‘de’t-tescîl Mübâşir Osman Çavuş kulları ile mezbûrân i‘lâmlarıyla ber-mûceb-i fermân-ı âlî huzûr-ı âlîlerine irsâl olundu. Fî 15 Cumâdelâhire sene 1154