Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 347 Hüküm no: 346 Orijinal metin no: [78a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Ömer b. Mehmed’in peştamâlci kethüdalığı vekilliğinden azledildiği Mahmiye-i İstanbul’da peştamâlciler kethüdâsı olan Osman Ağa b. Ebûbekir’in kethüdâlığı umûrunu rü’yete vekîl olan el-Hâcı Ömer b. Mehmed meclis-i şer‘-i şerîf-i enverde râfi‘u’l-vesîka mezbûr Osman Ağa mahzarında takrîr-i kelâm ve tâ‘bir ani’l-merâm edip mezbûr Osman Ağa hasta ve alîl olmağla peştamâlcilik kethüdâlığı umûrunu rü’yete bâ-hüccet ve bâ-i‘lâm bundan akdem tarafından beni vekîl nasb ve ta‘yîn eyledikde ben dahi kabûl ve edâ-yı hizmet eder iken peştamâlci tâifesiyle beynimizde şikāk vâki‘ olmağla mezbûr Osman Ağa beni vekâletden azl etmeğin ben dahi ba‘de’l-yevm bir türlü umûrlarına müdâhale etmemek üzere ta‘ahhüd eyledim lâkin yedime verilen i‘lâm ve hüccet yedimde zâyi‘ olmağla ba‘de’l-yevm zuhûr eder ise mûcebince amel olunmasın dedikde hıfzan li’l-makāl sebt olundu. Fi’l-yevmi’s-sâlis min-şehri Şa‘bâni’l-mu‘azzam li-sene selâse ve erba‘în ve mi’e ve elf. Şuhûdü’l-hâl: Hüseyin Çelebi b. Abdullah, Salih Çelebi b. Süleyman, kethüdâ-yı muhzırân Mehmed Çelebi, Hasan [b.] Ömer Bey.