Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 98 Hüküm no: 109 Orijinal metin no: [18a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Mehmed’in bıçakla yaralandığı Ma‘rûz; Üsküdar’da merhûm Minkāri Efendi medresesinde sâkin Molla Mehmed b. Ahmed nâm kimesne ber-vech-i âtî mecrûh idiği ma‘rifet-i şer‘le ba‘de’l-keşf ve’l-mu‘âyene meclis-i şer‘de yine medrese-i <> mezkûrede hasmı Mülâi b. Abdullah ile mürâfa‘a-i şer‘ olduklarında mezbûr Molla Ömer târih-i i‘lâm günü medîne-i mezbûrede Yeni Câmi‘-i şerîf kurbünde yağhâne önünde sol uyluğum üzerine âlet-i cârihadan bıçak ile bi-gayr-ı hakkın amden beni darb ve cerh etmekle mûcibini taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını udûlden olup medîne-i mezbûrede Mehmed Paşa mahallesinden Mustafa b. İbrahim ve Salih b. Mehmed nâm kimesneler şehâdetleriyle vech-i şer‘î üzere muvâcehesinde isbât etmeğin mûcib-i şer‘îsi cerh-i mezkûrun ber’ine tevkīf lâzım geldiği bi’l-iltimâs huzûr-ı âlîlerine i‘lâm olundu. Fî-gurreti Recebi’l-ferd sene 1154