Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 101 Hüküm no: 116 Orijinal metin no: [19b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haçador’un Canbaz Mehmed’e bargir bahasından olan borcunu ödemesi Ma‘rûz; Canbaz tâifesinden Mehmed meclis-i şer‘de hasmı Haçador zimmî muvâcehesinde dokuz gün mukaddem istîcâr ve teslîm eylediği yirmi guruş kıymetli bir çil bargirimi ahz ü bey‘ ile istihlâk eylemişdir deyü da‘vâ ettikde mezbûr Haçador cevâbında ber-vech-i muharrer bargiri istîcâr ve on bir guruş semen-i makbûza bey‘ ve istihlâk eylediğini ikrâr, ziyâde kıymetini inkâr edicek müdde‘î-i mezbûr müdde‘âsını udûlden Mehmed b. Osman ve Yusuf b. Abdullah nâm kimesneler şehâdetleriyle vech-i şer‘î üzere isbât etmeğin mûcebince meblağ-ı merkūm yirmi guruşu müdde‘î-i mezbûra edâ ve teslîme mezbûr Haçador zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 12 Receb sene 1154