Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 101 Hüküm no: 117 Orijinal metin no: [19b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şükrullah’a hakaret edip sopayla döven cebeci zümresinden Mehmed’in cezalandırılması Ma‘rûz; Üsküdar’da Hamza Fakih mahallesinden el-Hâc Şükrullah câr-ı mülâsıkı olup cebeci zümresinden Mehmed muvâcehesinde fermân-ı âlîşân ile mi‘mâr ağa hulefâsı ve taraf-ı şer‘den ta‘yîn olunan nâib ma‘rifetiyle şer‘an darb da‘vâsını def‘ içün muktezâ-yı şer‘-i kavîm üzere mürâfa‘aya râzı olduğumda mezbûr Mehmed’i da‘vet-i şer‘-i şerîf eylediğimde mezbûr Mehmed sen beni şer‘a da‘vet eyledin diyerek elinde sopa ile Kızılbaş, seni Müslüman ve katlederim deyü şetm ve hetk-i ırz eylemişdir deyü ba‘de’d-da‘vâ ve’l-inkâr mahâll-i merkūmda hâzırân olan mahalle-i mezbûre sâkinlerinden es-Seyyid Mehmed b. Mustafa ve Halil b. Mustafa nâm kimesneler vech-i meşrûh üzere edâ-i şehâdet-i şer‘iyye etmeleriyle ber-vech-i muharrer şetm içün ta‘zîr ve adem-i itâ‘ati içün mezbûr Mehmed taraf-ı âlîlerinden kal‘abende ile tedîb buyurulmak bâbında i‘lâmıyla huzûr-ı âlîlerine irsâl olundu. Fî 15 Recebi’l-ferd sene 1154