Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 102 Hüküm no: 118 Orijinal metin no: [19b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hatun’a ait olup Rukiye ve Fatma tarafından çalınan kıymetli eşyaların iade olunduğu Ma‘rûz; Sahibe-i arzuhâl Havva Hatun zâtı ba‘de’t-ta‘rîfi’ş-şer‘î hasımları olup Üsküdar’da Gerede mahallesi sâkinelerinden Rukiye ve Fâtıma’dan ber-mûceb-i defter-i müfredât iddi‘â eylediği eşyâsından şeritli sipâh kaneviz cübbe ve bir şal anteri ve bir cam göbeği çuka ferâce ve bir havlu silecek ve bir havlu makrama ve bir boğçayı mezbûretân Rukiye ve Fâtıma yedlerinden ahz edip mâ‘adâ eşyâ-i ma‘lûme da‘vâsından muslihûn tavassutuyla yirmi üç guruş bedel-i makbûza sulh ve husûs-ı mezbûra müte‘allika âmme-i da‘vâdan mezbûretân Rukiye ve Fâtıma’nın zimmetlerini ibrâ ve ıskāt eylediği rızâlarıyla Üsküdar’da ba‘de’t-tescîl mübâşiri Osman Çavuş kulları iltimâsıyla huzûr-ı âlîlerine i‘lâm olundu. Fermân men-lehu’l-emrindir. Fî 15 Recebi’l-ferd sene 1154