Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 104 Hüküm no: 123 Orijinal metin no: [20b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Yusuf’un görevlendirildiği Erzurum’a hastalığı sebebiyle gidemediği Ma‘rûz; Üsküdar’da Vâlide-i atîk mahallesinden olup Saruhan sancağında Gördes nâhiyesinde Ulgam nâm karye ve gayriden on beş bin yüz on iki akçe tımara mutasarrıf olan Mustafa b. Yusuf meclis-i şer‘a gelip ifâde-i merâm edip bin yüz elli dört senesinde sancak alaybeyi sancağı ile Erzurum cânibinde mevcûd bulunmak üzere ber-mûceb-i fermân-ı âlî hizmet-i merkūmeye gitmek üzere iken sene-i mezbûre şehr-i Rebî‘ülâhir gurresinde bi-emrillâhi te‘âlâ mat‘ûn illetine mübtelâ olduğuma binâ’en gidemeyip tehir etmiş idim hakīkat-i hâl ahâlî-i mahalleden suâl olunmak matlûbumdur dedikde fi’l-hakīka hâl mukırr-ı mezbûrun bâlâda bast ü beyân ve tafsîl ü ayân eylediği vech üzere olduğu mahalle-i mezbûre ahâlîsinden filan ve filan ve filan nâm kimesneler ihbâr eyledikleri bi’l-iltimâs huzûr-ı âlîlerine i‘lâm olundu. Fî 19 Receb sene 1154