Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 105 Hüküm no: 125 Orijinal metin no: [21a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Şerife Ayşe’nin vârislerinin aralarındaki ihtilafı anlaşarak çözdükleri Ma‘rûz; Derûn-ı arzuhâlde mezkûr müteveffiye Şerife Âişe’nin verâseti zevc-i metrûku Ebûbekir’e ve sadrî sagīr oğlu Mehmed’e ve babası sahib-i arzuhâl es-Seyyid Ahmed ve anası Hâkime’ye ba‘de’l-inhisâr mezbûr es-Seyyid Ahmed sagīr-i mezbûrun mansûb vasîsi olmağla vesâyeten, kendi nefsinden asâleten ve mezbûr Ebûbekir ve Hâkime taraflarından vekîl-i müseccelleri olmağla vekâleten meclis-i şer‘de Üsküdar hâricinde İbrahim Ağa Tekye’si demekle arîf karyede sâkine arzuhâlde isimleri mezkûr Mustafa ve zevcesi Fâtıma nâm zevcân ile arzuhâlde münderic olan da‘vâsından meccânen fâriğ olup husûs-ı mezbûra müte‘allika âmme-i da‘vâdan bi’l-asâle ve bi’l-vekâle zevcân-ı mezbûrânın zimmetlerini ibrâ ve ıskāt eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fermân men lehu’l-emrindir. Fî 18 min-Recebi’l-ferd sene 1154