Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 105 Hüküm no: 126 Orijinal metin no: [21a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarhoş vaziyette elinde bıçakla ahaliyi tehdit eden İsmail’in cezalandırılması Ma‘rûz; Derûn-ı i‘lâmlarda mastûr İsmail târih-i i‘lâm gecesi mahalle-i mezbûrede sâkin el-Hâc İbrahimzâde el-Hâc Ahmed nâm pîr ü ihtiyârın cevf-i leylde kapısına sekerâten âlet-i cârihadan bıçak-ı kebîr ile varıp şetm ve hakkan seni katlederim deyü nidâ, sabah oldukda mahallede vâki‘ çarşıda yine bıçak elinde bu mahalleden birkaç adam katlederim deyü feryâdında ahâlî-i mahalle şakī-i mezbûru hâlâ Üsküdar ustası kullarına ahz ü habsettirip ahâlî-i mahallenin bir vechile emn ü râhatları olmamağla ıslâh-ı nefs içün kal‘a-i sultânîde bunda salâh-ı hâli zâhir olunca ikāmeti içün fermân-ı âlîleri buyurulmak ricâsında oldukları bi’l-iltimâs huzûr-ı âlîlerine i‘lâm olundu. Fî 21 Recebi’l-ferd sene 1154