Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 106 Hüküm no: 127 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçı Ahmed’in muhâlaa yoluyla boşadığı Ayşe’yi rahatsız etmeyeceğine dair söz verdiği Ma‘rûz; Derûn-ı arzuhâlde mezkûrü’l-ism kayıkçı Ahmed meclis-i şer‘de sahibe-i arzuhâl Âişe muvâcehesinde bin yüz elli üç senesi Cemâziyelâhiresi’nin yirmi yedinci günü târihiyle müverrah muhâla‘a hücceti mantûkunca muhâla‘a olup târih-i mezbûrdan beri mezbûre Âişe zevce-i mutallakası olmağla mezbûrede alâka ve medhali olmadığı ikrâr ve i‘tirâf edip fî-mâ ba‘d mezbûre Âişe’ye kat‘â ta‘arruz etmeyip kendi hâlinde olmak üzere mezbûr Ahmed’in nefsine ve hîn-i mutâlebede ihzârına hazır bi’l-meclis Ali b. Mehmed nâm kimesne tekeffül eylediğini rızâlarıyla ba‘de’t-tescîl bi’l-iltimâs huzûr-ı âlîlerine i‘lâm olundu. Fî 21 Recebi’l-ferd sene 1154