Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 106 Hüküm no: 128 Orijinal metin no: [21b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Attar Mustafa’nın Duhanî Ali’ye olan borcunu ödemesi Ma‘rûz; İstanbul’da Papazoğlu Hanı’nda sâkin tüccâr tâifesinden Duhânî Ali hasmı olup Üsküdar’da Attar Mustafa b. İbrahim nâm kimesne ile meclis-i şer‘de mürâfa‘a oldukda târih-i i‘lâmdan sekiz ay mukaddem yedimden iştirâ ve kabz eylediği vezn ve mikdârı beynimizde ma‘lûm duhan bahâsından işbu deyn temessükü mantûkunca ba‘de külli’l-hesâb mezbûr Mustafa zimmetinde olan kırk üç buçuk guruş hakkımı taleb ederim deyü ba‘de’d-da‘vâ ve’l-ikrâr mûcebince meblağ-ı merkūm kırk üç buçuk guruşu müdde‘î-i mezbûr Duhânî Ali’ye edâ ve teslîme mezbûr Mustafa’ya tenbîh olunduğu bi’l-iltimâs huzûr-ı âlîlerine i‘lâm olundu. Bâkī emr hazret-i veliyyü’l-emrindir. Fî 8 min-Recebi’l-ferd sene [1]154