Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 113 Hüküm no: 145 Orijinal metin no: [24b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tersane ihtiyaçları için kesilen fundalara müdahale davasından vazgeçildiği Ma‘rûz; Üsküdar’a tâbi‘ Bulgurlu karyesi subaşısı el-Hâc Mehmed ve ahâlî-i karyeden İmâm Abdülmennan ve el-Hâc Mustafa ve İbrahim ve Kasab Mustafa ve Süleyman ve sâir müseccelü’l-esâmî meclis-i şer‘de Fundacı Ümmü Gülsüm Hatun’un zevci ve vekîli Mehmed Ağa muvâcehesinde Mübâşir Süleyman Haseki hazır olduğu hâlde müvekkile-i mezbûre mîrî fundacı olup Tersâne-i âmire içün karye-i mezbûreden ve etrâf dağlardan arabacıları kat‘ edegeldikleri fundalarına ve arabacılarına fî-mâ ba‘d dahl ve ta‘arruz etmeyip ve umûr-ı mühimmenin kat‘â ta‘tîline bâ‘is olacak hareketde bulunmayıp ahâlî-i karye husûs-ı merkūm içün birbirimize tekeffül ettiğimizde müvekkile-i mezbûre dahi ihrâk etmişlerdir deyü eylediği funda da‘vâsından rızâlarıyla fâriğ ve bu vechile kat‘-ı nizâ‘ ettikleri mübâşir-i merkūm iltimâsıyla huzûr-ı âlîlerine i‘lâm olundu. Bâkī fermân men-lehu’l-emrindir. Fî 21 min-Şa‘bân sene 1154