Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 118 Hüküm no: 157 Orijinal metin no: [26a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İmam Osman ve karısı Fatma’nın Debbağ Ali hakkında açtıkları davanın geçersiz olduğu Ma‘rûz; Sahibe-i arzuhâl Fâtıma ile zevci İmâm Osman sâdır olan fermân-ı âlîlerine imtisâlen dîvân-ı âlîlerinde ma‘kūd meclis-i şer‘de arzuhâlde ismi mastûr Debbağ Ali ile ba‘de’t-terâfu‘ Üsküdar[a] havâle olundukdan sonra mezbûr İmâm Osman müdde‘âsını isbâtdan izhâr-ı acz ettikden sonra mezbûr Debbağ Ali’nin keyfiyet-i ahvâli civârında sâkin ahvâline vukūf-ı tâmmı olan cemâ‘at-i Müslimînden tefahhus olundukda arzuhâlde mezkûr olan husûs mezbûr Ali hakkında ifk ü iftirâ olduğunu müseccelü’l-esâmî Müslimîn ihbâr ettiklerinden sonra mezbûre Fâtıma tarafından vekîl-i sâbitü’l-vekâlesi olan zevci mezbûr İmâm Osman arzuhâlde münderic olan da‘vâsından fâriğ olup mezbûr Ali’nin zimmetini ibrâ-i âmm-ı kātı‘u’n-nizâ‘la ibrâ ve ıskāt eylediği mübâşiri Halil Haseki iltimâsıyla huzûr-ı âlîlerine i‘lâm olundu. Fî 10 Ramazan sene 1154