Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 119 Hüküm no: 159 Orijinal metin no: [26b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’u döverek dişini kıran Ayşe’nin diyet ödemesi Ma‘rûz; Üsküdar’da Kefce mahallesinde sâkine Hatice bt. Mahmud hasmı olup zâtı vech-i şer‘î üzere mu‘arrefe olan Âişe bt. Mehmed ile ba‘de’t-terâfu‘ târih-i i‘lâm günü Solak Sinan mahallesinde Odalar sûkunda mezbûre Âişe yumruk ile amden ağzıma darb ve darbından nâşi işbu mu‘âyene olunan altından seniyye ta‘bîr olunur bir dişimi ihrâc eyledi deyü mûcibini ba‘de’d-da‘vâ ve’l-inkâr müdde‘iye-i mezbûre müdde‘âsını zikrolunan Solak Sinan mahallesinden el-Hâc Abdullah nâm [kimesne] ile nisâ tâifesinden Âişe bt. Mustafa ve Afife bt. Ali nâm hatunlar şehâdetleriyle vech-i şer‘î üzere isbât etmeğin mûcebince diyet-i sin merreten lâzım geldiği bi’l-iltimâs huzûr-ı âlîlerine i‘lâm olundu. Fî 30 Ramazan sene 1154