Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 123 Hüküm no: 166 Orijinal metin no: [28a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. . Kars tarafından getirilen koyunların Üsküdar’da kışlatılması ve kimlere ne kadar satıldığına dair defterinin tutulması Musahhah Üsküdar nâibi efendi ağnam-ı mezkûre kışlak-ı mezbûrda ra‘y ve hîn-i iktizâda tâlibleri zuhûrunda kaçar re’s ganem isterler ise adedi ve isimleriyle defter olunup huzûrumuza ba‘de’l-arz verilmek üzere tenbîh eyleyesiz deyü buyruldu Ma‘rûz; Ashâb-ı arzuhâl yedlerinde olan sûret-i emr-i âlîşân mûcebince ibâdullâhın zarûreti def‘ olunmak üzere müsâ‘ade buyrulduğuna binâ’en Erzurum, Kars tarafından beş bin aded ağnamdan üç yüz adedi esnâ-yı râhda füruht olunup hâlâ dört bin yedi yüz aded ağnam mevcûd olduğu ashâb-ı arzuhâl Üsküdar ustası kulları hazır olduğu hâlde mu‘terîfler ve ra‘y olunacak mahâllin ekseri usta kullarının temessükât ile tasarrufunda olmağla usta kulları dahi fermân-ı âlî üzere ra‘y ettirmesine mümâna‘at etmemek üzere ta‘ahhüd lâkin işbu sâdır olan fermân-ı âlî üzere hîn-i iktizâda verilmek üzere adediyle sicile ba‘de’l-kayd kışlak-ı mezbûrda ra‘y olunmak üzere musarrah olmağla sûret-i emr-i âlîde tasrîh olunduğu vech üzere Üsküdar sahrâsında tâlib olanlara bey‘ veyâhûd kışlak-ı mezbûrda ra‘y ve hıfz olunmak üzere mi olur ne minvâl üzere fermân-ı âlîleri buyurulur ise ol bâbda emr hazret-i men-lehu’l-emrindir. Fî 14 Şevvali’l-mükerrem sene 1154