Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 127 Hüküm no: 175 Orijinal metin no: [29b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar’ın Gerede mahallesi imamı Osman Efendi’nin yerine Ali Halife’nin tayini Musahhah İ‘lâmı mûcebince tahliye ve teslîm olunup mahalle-i mezbûre imâmı merkūm itâ‘at-i emr-i âlî eylemediği içün ikāmeti müstahıkkına arz olunmak buyruldu. Ma‘rûz-ı dâ‘î-i devletleridir ki: Üsküdar’da Gerede mahallesi içün sâdır olan fermân-ı âlîlerine imtisâlen derûn-ı arzuhâlde mezkûr ahâlî-i mahalle ve mübâşir el-Hâc Halil kulları ma‘rifeti ile menzil tahliye olunup miftâhı mahalle-i mezbûre müezzinine teslîm olunmağla mahalle-i mezbûre imâmı Osman Efendi itâ‘at-i emr-i âlî etmediği ecilden imâmeti müstehıkkına arz olunmak şeref-yâfte-i sudûr bulan fermân-ı âlîlerine imtisâlen ahâlî-i mahalleden müseccelü’l-esâmî on yedi nefer kimesneler ictima‘ ve ittifâkları ve cümlenin muhtârı Üsküdar Yenicâmi‘-i şerîf’de imâmet vekîli olan hamele-i Kur’ân-ı azîmü’ş-şân Ali Halîfe b. Abdurrahman dâ‘îleri her vechle mahall ve müstehak olduğunu ihbâr etmeleriyle mezbûr Ali Halîfe mübâşir kulları ile huzûr-ı âlîlerine irsâl olundu. Fî 21 Şevval sene 1154