Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 128 Hüküm no: 176 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye Hatun ile kardeşi İbrahim arasındaki kira geliri davasının anlaşmayla sona erdiği Ma‘rûz; Sahibe-i arzuhâl Rukiye Hatun karındaşı el-Hâc İbrahim ile bundan akdem hamam icâresi içün mürâfa‘a ve muslihûn tavassutuyla icâre da‘vâsından kırk guruş bedel-i makbûza sulh olup her biri âharın zimmetini ibrâ ettikleri mübâşir çavuş kulları iltimâsıyla huzûr-ı âlîlerine i‘lâm olunup lâkin mezbûrân el-Hâc İbrahim ve Rukiye’nin iltimâslarıyla meclis-i şer‘de hâzırûn olan Selâmi Efendi Câmi‘-i şerîfi’nde imâm vekîli Mustafa Halîfe ve Hüdâyî Efendi Vakfı mütevellîsi el-Hâc Ahmed ve sâir ahâlîden Arakıyeci Mustafa ve Berber el-Hâc İbrahim ve Musa ve es-Seyyid Ömer ve diğer Mustafa ve İbrahim ve Salih ve el-Hâc Ahmed ve diğer Mustafa ve sâir müseccelü’l-esâmî kimesnelerden her biri mezbûrân kendi hâllerinde ırzları ile mukayyed ve dâimâ hüsn-i hâl üzere olduklarını meclis-i şer‘de ihbâr etmeleriyle vâki‘ hâl Mustafa Çavuş kulları iltimâsıyla huzûr-ı âlîlerine i‘lâm olundu. Fî 21 Şevval sene 1154