Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 129 Hüküm no: 178 Orijinal metin no: [30b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim’in Nalband İbrahim’e olan borcunu ödemeyi kabul ettiği Ma‘rûz; Üsküdar’da na‘lband tâifesinden İbrahim hasmı diğer İbrahim ile ba‘de’t-terâfu‘ mezbûr diğer İbrahim dahi mezbûrdan otuz guruşunu üç ay tamamında ve elli beş guruşunu târih-i mezbûrdan bu sene tamamına değin tecîl-i sahîh ile üç ay mukaddem iştirâ ve kabz eylediği bir çift donbay öküzü semeninden otuz guruş içün ecel hulûl edip ol vechile otuz guruş deyni olduğu ikrârıyla sâbit ve ikrârı üzere otuz guruşu ba‘de’l-edâ sene tamamında dahi elli beş guruşu edâ eylemek üzere mezbûr diğer İbrahim meclis-i şer‘de ta‘ahhüd ve iltizâm eylediği bi’l-iltimâs huzûr-ı âlîlerine i‘lâm olundu. Fî 29 Şevval sene 1154