Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 129 Hüküm no: 179 Orijinal metin no: [30b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüdâyî Efendi Vakfı’ndan olup Bulgurlu karyesinde bulunan vakıf fırının kiracısının görevine devam etmesi Ma‘rûz; Derûn-ı arzuhâlde mezkûr Bulgurlu karyesi merhûm Hüdâyî Efendi Vakfı olup karye-i mezbûrede olan vakıf fırın el-Hâc Mustafa’nın bi’l-icâreteyn tasarrufunda olmağla fırın-ı merkūmu Üsküdar’da Kebapçılı fırını demekle ma‘rûf kebîr fırın ustası kadîmden istîcâr edegelip karye-i mezbûre fırını hâlâ kebapçılar ustasının taht-ı icâresinde olmağla bu âna gelince nân-ı azîz içün kat‘â bir vechile muzâyaka olmayıp küllî yevm kebapçılar fırınından kadîmi üzere ber-vech-i muharrer nân-ı azîz bargir ile karye-i mezbûreye gidegelmişdir deyü müseccelü’l-esâmî Müslimîn ihbâr ve kadîme mugāyir hareket olunmamak bâbında emr-i âlî ricâ ettikleri bi’l-iltimâs huzûr-ı âlîlerine i‘lâm olundu. Fî 25 Şevval sene 1154