Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 133 Hüküm no: 187 Orijinal metin no: [32b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Nikola’nın Mustafa b. İbrahim’deki alacağının tahsili Ma‘rûz; Sahib-i arzuhâl Yani v. Nikola nâm zimmî dîvân-ı âlîlerinde ma‘kūd meclis-i şer‘de hasmı olup Üsküdar sâkinlerinden Mustafa b. İbrahim mahzarında da‘vâ, işbu yedimde olan deyn temessükü nâtık olduğu üzere cihet-i karz-ı şer‘den yüz yirmi guruş hakkım olup yirmi beş guruş edâ-i temessüke zahriye olup bâkī doksan beş guruşumu taleb ederim deyü takrîr-i da‘vâ edip suâl olundukda [bâ-]temessük deyni olduğunu bi’t-tav‘ ikrâr ve i‘tirâf etmekle ikrârıyla edâya tenbîh olunduğu mübâşir çavuş el-Hâc Mustafa kulları iltimâsıyla huzûr-ı âlîlerine i‘lâm olundu. Fî 15 Zilka‘de sene 1154