Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 137 Hüküm no: 195 Orijinal metin no: [34a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar arka hamalları vekili Mustafa’nın görevine devam etmesi Fahrü’l-akrân Üsküdar çorbacısı ağa -dâme mükremen- Ba‘de’t-tahiyyeti’l-vâfiye inhâ olunur ki; Üsküdar’ın arka hamalları vekîli Mustafa içün keresteci tâifesi ile tâife-i mezbûreden müseccelü’l-esâmî yirmi beş nefer hamallar mezbûr Mustafa’dan hoşnûd ve râzı olduklarını her biri ihbâr ve hamallar kethudâsı dahi hâlâ vekâlet-i mezbûrda ibkā edip tarafından adam göndermekle sırık hamalı olan Hüseyin’den ancak dört nefer adam vekîl olmasını iltimâs etmeleriyle bu âna gelince sırık hamalı vekîli olmak hilâf-ı nizâm-ı kadîm olduğundan işbu mürâsele tahrîr ve sicill-i mahfûza kayd ve kadîmi üzere taraf-ı şer‘den dahi mezbûr Mustafa umûr-ı vekâleti rü’yet etmek içün izin verilmekle fî-mâ ba‘d sırık hamalı mezbûr Hüseyin’i müdâhale ettirmeyip mûceb-i mürâsele ile amel eyleyesiz ve’s-selâm. Fî 21 Zilka‘de sene 1154