Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 137 Hüküm no: 196 Orijinal metin no: [34b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Premedi kazası Çarşı köyü halkından Kosta’nın mirası ile Üsküdar’daki bostanın gelirinin vârisleri arasında taksim edildiği Ma‘rûz, Vilâyet-i Rumeli’de Premedi kazâsına tâbî‘ Çarşı karyesi sâkinlerinden iken mukaddemâ hâlik olan Kosta zimmînin sulbiye kebîre kızları olup karye-i mezbûrede sâkinelerinden Niko Nasrâniyenin zevci ve tarafından vekîl-i sâbitü’l-vekâlesi Kosta ve âhar kızı Sogima nâm Nasrâniyenin dahi zevci ve vekîl olan Niko nâm zimmîler vekâleten müvekkiletân-ı mezbûretânın hasımları olup Üsküdar’da sâkin Niko nâm zimmî ile mürâfa‘a-i şer‘-i şerîf olduklarında müvekkiletân-ı mezbûretân babaları hâlik-i mezbûrdan müntakil yine Üsküdar’da olan bostan îrâdından ba‘de ihrâci’l-mesârif beş yüz guruşu mezbûr Niko ahz u kabz ve kendi mesârifine sarfla istihlâk eylemişdir deyü bi’l-vekâle da‘vâ ettiklerinde mezbûr Niko dahi meblağ-ı merkūm beş yüz guruş minvâl-i meşrûh üzere zimmetinde vâcibü’l-edâ deyni olduğunu bi-tav‘ihiikrâr ve i‘tirâf etmeğin ikrârı mûcebince meblağ-ı merkūm ve sâir terekesi ile defter-i kassâma idhâl olunup veresesi beyninde tevzî‘ ve taksîm olunduğu bi’l-iltimâs huzûr-ı âlîlerine i‘lâm [olundu]. Fî 24 Şevval sene 1154