Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 138 Hüküm no: 197 Orijinal metin no: [34b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah’ın Kadıköy’de Mehmed’ten borç olarak aldığı meblağı ödemesi gerektiği Ma‘rûz, Üsküdar’a tâbi‘ Kādı karyesinden Mehmed hasmı Abdullah muvâcehesinde mezbûr Abdullah bi-tarîkı’l-mudârebe yedimden ahz u kabz eylediği iki yüz seksen guruşu kendi mesârifine harc u sarfla istihlâk ettikten sonra meblağ-ı merkūm cihet-i mezkûreden zimmetinde bana lâzımü’l-edâ deyni olmağla meblağ-ı merkūm mukābelesinde yedinde mülkü olup karye-i mezbûrede vâki‘ ma‘lûmü’l-hudûd mülk menzilini istiğlâl-i rehin vaz‘ etmiş idi, hâlâ meblağ-ı mezkûr iki yüz seksen guruş hakkımı taleb ederim deyü da‘vâ ettikte mezbûr Abdullah cevâbında hâl müdde‘î-i mezbûrun bâlâda bast u beyân ve tafsîl u ayân eylediği vech üzere olup meblağ-ı merkūm iki yüz seksen guruşu müdde‘î-i mezbûr yedinden ber-vech-i muharrer ahz u kabz eyledikten sonra kendi mesârifine sarfla istihlâk edip ol vechile zimmetinde meblağ-ı merkūm iki yüz seksen guruş deynimdir deyü bi-tav‘ihiikrâr u i‘tirâf etmeğin ikrârı mûcebince meblağ-ı mezkûr mezbûr Abdullah’dan lâzım geldiği bi’l-iltimâs huzûr-ı âlîlerine i‘lâm olundu. Fî 22 Zilka‘de sene 1154