Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 150 Hüküm no: 227 Orijinal metin no: [39a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Ali ve kız kardeşi Sâliha ile anası Ümmühan’ın mülk menzilde dönüşümlü olarak ikamet etmeleri. Ma‘rûz, Üsküdar’da Gülfem mahallesinde vâki‘ ma‘lûmü’l-hudûd ve’l-müştemilât bir bâb mülk menzilin nısf-ı şâyi‘i Molla Ali’nin ırsen ve şirâen mülkü ve nısf-ı şâyi‘-i âharı kız karındaşı Sâliha ve anası Ümmühan nâm hatunun ırsen mülkleri olup menzil-i mezbûrda mezbûr Molla Ali sekiz seneden beri sâkin olmağla mezbûretân Sâliha [ve] Ümmühan nâm hatunlar dahi muhâyeeten <> sâkine olmak üzere mezbû[r] Molla Ali ile ba‘de’t-terâfu‘ ber-vech-i muharrer işbu bin yüz elli beş senesi Muharremi’l-harâm gurresinden sene-i mezbûre Cemâziyelâhire gāyetine gelince altı ay mezbûretân sâkineler ve sene-i mezbûre Recebi’l-ferdi gurresinden sene-i mezbûre Zilhiccesi gāyetine gelince mezbûr Ali sâkin olmak üzere bi’t-terâzî tarafeyne tenbîh olunduğu i‘lâm olundu. Fî-gurreti Muharremi’l-harâm sene 1155.