Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 152 Hüküm no: 231 Orijinal metin no: [39b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Valide-i Atik mahallesinde Hamamcı es-Seyyid Mehmed’in icaresinde olan hanımlara mahsus hamamı basanların ceza için sevki Ma‘rûz, Üsküdar’da Vâlide-i Atîk mahallesinde Atpazarı derûnunda vâki‘ hamamın hamamcısı es-Seyyid Mehmed Vâlide yasakçısı ve subaşısı ma‘rifetleriyle ahz ve meclis-i şer‘a ihzâr olunan Acem tâifesinden Kasım ve Ahmed ve Hasan ve Ali ve diğer Ali muvâcehelerinde târih-i i‘lâm günü dahve-i kübrâda mezbûrûn gāib ani’l-meclis ismi ma‘lûmum olmayan bu Kıbtîleri taht-ı icâremde olup nisâya mahsûs olan hamama âlet-i harb ile cebren duhûl etmeleriyle ol ânda nisâ tâifesinin feryâdından nâşi mezbûrûn hamam-ı mezbûrdan ihrâc ve meclis-i şer‘a ihzâr olunmuşlardır, vâki‘ hâl ba‘de’s-suâl i‘lâm olunmak matlûbumdur dedikte mezbûrân inkâr etmeleriyle husûs-ı merkūm vech-i meşrûh üzere olduğunu mu‘âyene eden müseccelü’l-esâmî kırk dört nefer Müslimîn şehâdet etmeleriyle mezbûrûn i‘lâmlarıyla huzûr-ı âlîlerine irsâl olundu. Fî 24 Zilhicce sene [11]54