Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 153 Hüküm no: 232 Orijinal metin no: [40a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhammed’in cariyesi Rukiye’nin çaldığı eşyalarla yakalanarak hapsedildiği Ma‘rûz, İstanbul’da Mahmud Paşa Vakfı’nın Kâtibi Halil Efendi tarafından vekîli el-Hâc Mehmed beş ay mukaddem câriye olmak üzere iştirâ edip ma‘rifet-i şer‘le ahz ve habsolunan Rukiye’nin meclis-i şer‘de eylediği takrîri mezbûrenin üvey vâlidesi gāibe ani’l-meclis diğer Rukiye nâm avrat babam Mehmed’in ma‘rifeti ile müvekkil-i merkūma üç yüz yetmiş beş guruşa beni bey‘ etmişler, ben dahi müvekkil-i mezbûrun menzilinde dört gün sâkine ve ba‘dehû eşyâsından bir balgamî kabzalı bıçak ve bir kemerbend beyâz şal ve bir inci kuşak ve on iki buçuk zirâ‘ hatâî ve altı zirâ‘ evrenşahî ve bir ûdî yemenî ve bir cedîd biniş ahz ü gasb ve firâr eylediğini mu‘arrefe olup hâlâ Üsküdar subaşısı yedinde mahbûs olmağla vekîl-i mezbûr dört günden beri mukırre-i mezbûrenin anası ve şâhidleri ile gelmek üzere gidip henüz zuhûr etmemekle vâki‘ hâl huzûr-ı âlîlerine i‘lâm olundu, bâkī fermân hazreti men lehu’l-emrindir. Fî-gurreti Muharremi’l-harâm sene 1155