Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 153 Hüküm no: 233 Orijinal metin no: [40a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kazasker mahallesinden Fatma’nın eşi tarafından darb edildiği, eşinin muhâlaaya yanaşmaması üzerine cezalandırılması için sevk olunduğu Ma‘rûz, Üsküdar’da Kādıasker mahallesinde sâkine Fâtıma bt. el-Hâc Yusuf nâm hatun hâlâ zevci sâyis el-Hâc Sâlim’i meclis-i şer‘a ihzâr ve muvâcehesinde mezbûr el-Hâc Sâlim’e nefsimi tezvîc ve işbu târih-i i‘lâm gecesi cevf-i leylde firâşımda nevm hâlinde iki eliyle boğazımı sıkıp ağzımdan ve burnumdan dem gelip ve işbu mu‘âyene olunduğu vech üzere boğazım bere ve feryâdımdan vâlideynim ittisâlinde oldukları odadan yetişip bu vechile halâs olmağla hâlâ zevcim mezbûrdan emniyetim yoktur deyü da‘vâ ettikte mezbûr el-Hâc Sâlim istintâk olundukta firâşımdan firâr etmekle bu vechile boğazını sıkıp ağzından ve burnundan dem seyelân eder olduğu hâlde yedimden tahlîs etmişlerdir deyü mu‘terîf olmağla beynlerinde imti[zâ]c mümkün olmayıp muhâla‘a ile yedinden tahlîse tâlibe iken mezbûr el-Hâc Sâlim şedîd ve anîd olduğundan bir vechile vech-i hüsn ile olan cevâblara râzı olmamağla ibreten li’s-sâirîn taraf-ı âlîlerinden tedîb ve tahlîs olunmak emr-i savâbdır, fermân men lehu’l-emrindir. Fî 5 Muharremi’l-harâm sene 1155