Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 164 Hüküm no: 256 Orijinal metin no: [44a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çörekçi İbrahim’e kiradan dolayı biriken borcunu Salih Ağa’ya ödemesi konusunda tenbihatta bulunulduğu Ma‘rûz, Üsküdar’da Mirâhur mahallesi sâkinlerinden Salih Ağa hasmı olup meclis-i şer‘a ihzâr ettirdiği Çörekçi İbrahim ile mürâfa‘a-i şer‘ olduklarında Balaban iskelesi kurbünde vâki‘ çörekçi fırınında müste’cir olmağla cihet-i icâreden zimmetinde müctemi‘ olan elli guruş ba‘de’d-da‘vâ mezbûr İbrahim cihet-i mezkûreden elli guruş deyni olduğunu ikrâr ve i‘tirâf etmeğin mûcebince meblağ-ı merkūmu müdde‘î-i mezbûre edâ ve teslîme merkūm İbrahim’e tenbîh olunduğu bi’l-iltimâs huzûr-ı âlîlerine i‘lâm olundu, bâkī fermân men lehu’l-emrindir. Fî 25 Muharrem sene 1155