Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 166 Hüküm no: 261 Orijinal metin no: [45a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Mehmed Ağa’nın Duhanî Mehmed’e olan borcunu taksitle ödemesi Ma‘rûz, Üsküdar’da Duhânî Mehmed b. Mustafa İstanbul’da Gümrükönü’nde Berber es-Seyyid Mehmed Ağa muvâcehesinde dâmadı gāib ani’l-meclis Ali Ağa’ya duhan bahâsından ba‘de’l-hesâb iki yüz otuz dört guruş deyni cümlemiz bir meclisde olduğumuz hâlde mezbûr es-Seyyid Mehmed Ağa’ya havâle ve her birimiz havâleyi ba‘de’l-kabûl cihet-i havâleden meblağ-ı merkūm iki yüz otuz guruş zimmetimde vâcibü’l-edâ ve lâzımü’l-kazâ deynim olup def‘aten edâya kudretim olmayıp tecîl ve taksîte tâlib olduğumda mezbûr es-Seyyid Mehmed Ağa işbu bin yüz elli beş senesi Muharremi’l-harâmı gurresinden beher mâh üçer guruş vermek üzere müddet-i ma‘lûme tamamına değin tecîl ve taksît ettikte ben dahi ecel-i merkūm hulûluna değin [e]dâya ta‘ahhüd ve bu vechile beynlerine nizâm verildiği Üsküdar’da ba‘de’t-tescîl bi’l-iltimâs huzûr-ı âlîlerine i‘lâm olundu, fermân men lehu’l-emrindir. Fî 5 Saferü’l-hayr sene 1155