Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 167 Hüküm no: 263 Orijinal metin no: [45a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah Hatun’un Ahmet Çelebi Mescidi Vakfı’na olan borcunu ödemesi Ma‘rûz, Üsküdar’da vâki‘ merhûm Ahmed Çelebi Mescid-i şerîfi Vakfı’nın nukūd-ı mevkūfesine bi’l-fi‘il mütevellî olan el-Hâc Mustafa Efendi hasmı Bulgurlu karyesinde sâkine ve zâtı vech-i şer‘î üzere mu‘arrefe olan Emetullah bt. Mehmed ile ba‘de’t-terâfu‘ mütevellî-i mezbûrun yedinde olan istiğlâl hücceti mantûkunca asl-ı mal-ı vakıfdan yirmi dört guruş ve istiğlâlen rehin olan menzilin bir senelik ecr-i müsemmâsı üç guruş yetmiş iki akçe ve târih-i i‘lâm senesi Muharremi’l-harâm gurresine gelince hesâbına dahi üçer guruştan on iki guruş ecr-i misil ki cem‘an otuz dokuz guruş yetmiş iki akçe taraf-ı vakfa deyni olduğu mezbûre Emetullah’ın ikrârıyla lede’ş-şer‘i’l-enver sâbit olmağın mûcebince edâsına mezbûre Emetullah’a tenbîh olunduğu bi’l-iltimâs huzûr-ı âlîlerine i‘lâm olundu. Fî 4 Saferü’l-hayr sene 1155