Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 168 Hüküm no: 264 Orijinal metin no: [45b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Mehmed Ağa’nın damadının borcunu Duhanî Mehmed b. Mustafa’ya taksitle ödemesi Ma‘rûz, Üsküdar’da Duhânî Mehmed b. Mustafa İstanbul’da Gümrükönü’nde Berber es-Seyyid Mehmed Ağa muvâcehesinde dâmadı gāib ani’l-meclis Ali Ağa’ya duhan bahâsından ba‘de’l-hesâb iki yüz otuz dört guruş deynimi cümlemiz bir mecliste olduğumuz hâlde mezbûr es-Seyyid Mehmed Ağa’ya havâle ve her birimiz havâleyi ba‘de’l-kabûl cihet-i havâleden meblağ-ı merkūm iki yüz otuz dört guruş zimmetimde vâcibü’l-edâ ve lâzımü’l-kazâ deynim olup def‘aten edâya kudretim olmayıp tecîl ve taksîte tâlib olduğumda mezbûr es-Seyyid Mehmed Ağa işbu bin elli beş senesi Muharremi’l-harâmı gurresinden beher mâh üçer guruş vermek üzere ve müddet-i ma‘lûme tamamına değin beni tecîl ve taksît ettikte ben dahi ecel-i merkūm hulûluna değin edâya ta‘ahhüd ve bu vechile beynlerine nizâm verildiği Üsküdar’da ba‘de’t-tescîl bi’l-iltimâs huzûr-ı âlîlerine i‘lâm olundu. Fî 5 Saferü’l-hayr sene 1155