Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 185 Hüküm no: 304 Orijinal metin no: [51a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anadolu’dan yaya olarak Rumeli’ne giden üzümcülerin beygir tedârik ederek geri döndüğü Ma‘rûz Vârid olan fermân-ı âlîlerine imtisâlen derûn-ı arzuhâlde olan husûs tefahhus olundukda Anadolu cânibinden gelen üzümcü tâifesi yedi sekiz neferinden bir dâbbe ile piyâde oldukları hâlde men‘ olunmadıkları sûretde Âsitâne’den mürûr edip men‘ vaktinde Beşiktaş’dan Rumeli cânibine mürûr ve iki ay mikdârı meks edip avdetlerinde her biri bir bargir tedârik ve yine Anadolu cânibine nakl ile geldiklerini kayıkçılar kethudâsı ve sâir vukūf olan kimesneler haber verdikleri huzûr-ı âlîlerine i‘lâm olundu. Ma‘lûm-ı devletleri buyruldukda ol bâbda emr u fermân men lehu’l-emrindir. Fî 5 Rebî‘ülâhir sene 1155