Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 365 Hüküm no: 368 Orijinal metin no: [83b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çerağî Hasan Mescidi müezzinliği ve kayyumluğuna es-Seyyid Ali Çelebi’nin vekaleten tayin olunduğu Bâ-imzâ-i hazret-i efendi. Mahmiye-i İstanbul’da Çerâği Hasan Mescid-i şerîfinin vazîfe-i mu‘ayyene ile müezzini ve kayyûmu olan Mehmed Halîfe b. İbrahim meclis-i şer‘-i şerîf-i enverde râfi‘u’l-vesîka es-Seyyid Ali Çelebi b. es-Seyyid Murtaza mahzarında ikrâr ve takrîr-i kelâm edip mescid-i mezbûrun müezzinliği ve kayyûmluğu bâ-berât-ı âlîşân üzerimde olup lâkin edâ-yı hizmetimde gadr-ı şer‘im zuhûr etmekle vazîfe-i mu‘ayyenemden dört akçe ile tarafımdan mezbûr es-Seyyid Ali Çelebi’yi vekîl ve nâib-i menâb nasb ve ta‘yîn eyledim dedikde mezbûr es-Seyyid Ali Çelebi dahi kabûl ve hizmet-i lâzimesini edâya ta‘ahhüd etmeğin mâ-vaka‘a bi’t-taleb ketb olundu. Fi’l-yevmi’r-râbi‘ aşer min-Şa‘bâni’l-mu‘azzam li-sene selâse ve erba‘în ve mi’e ve elf. Şuhûdü’l-hâl: El-hâc Halil Efendi b. Receb, Nurizâde Ahmed Ağa el-mütevellî, Mehmed Odabaşı b. Ahmed, el-Hâc Mustafa b. Mustafa, el-Hâc Ahmed b. Ali, Hüseyin b. Mehmed.