Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 191 Hüküm no: 319 Orijinal metin no: [53b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yakacık köyü imamı Mustafa’nın hanımı Zeynep’in adı geçen köye gitmesine şer’an bir engel bulunmadığı Ma‘rûz Sahib-i arzuhâl Mustafa Üsküdar’a tâbi‘ dört sâ‘at mikdârı ba‘îd olan Yakacık karyesinde imâm olmağla zevcesi Zeyneb nâm hatunu Üsküdar’dan karye-i mezbûreye nakil murâd eyledikde mezbûre imtinâ‘ etmeğin karye-i mezbûre müddet-i sefer olmayıp nakli meşrû‘ ve mukaddemâ dahi bir müddet karye-i mezbûrede sâkine olmağla şer‘an müsâ‘ade olup mümâna‘atı hilâf-ı şer‘-i şerîf olup bi-gayr-ı vechin mümâna‘ata iltifât olunmayıp nakletmek üzere tenbîh olunduğu mübâşiri Hasan Çavuş iltimâsıyla huzûr-ı âlîlerine i‘lâm olundu. Fî 16 Rebî‘ülâhir sene 1155