Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 197 Hüküm no: 333 Orijinal metin no: [55b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed’in Tembel el-Hâc Mehmed mahallesindeki vakfa olan borcunu ödemesi Ma‘rûz Üsküdar’da Tenbel el-Hâc Mehmed mahallesinin bedel-i avârızı için mevkūfe nukūdun mütevellîsi olan el-Hâc Osman hasmı es-Seyyid Mehmed ile mürâfa‘a-i şer‘-i şerîf olduklarında mezbûr es-Seyyid Mehmed’in zimmetinde asl-ı mal-ı vakf-ı mezkûrdan kırk guruş ve beynlerinde ma‘lûm menzil icâresinden bâkī sekiz guruş ve otuz beş para ki cem‘an kırk sekiz guruş ve otuz beşe para cânib-i vakf-ı mezbûr için mütevelli-i mezbûra deyni olduğu ikrârıyla sâbit olmağın ikrârı mûcibince meblağ-ı mecmû‘-ı merkūmu mütevelli-i mezbûra edâya mezbûr es-Seyyid Mehmed’e tenbîh-i şer‘î olunduğu bi’l-iltimâs huzûr-ı âlîlerine i‘lâm olundu. Fî 19 Rebî‘ülâhir sene 1155