Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 198 Hüküm no: 335 Orijinal metin no: [55b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hancı Ahmed oğlu İbrahim’i Seyyid Ömer’in öldürdüğü iddiasını ispatlayamadığı Ma‘rûz Üsküdar’da hancı tâifesinden el-Hâc Ahmed hasmı olup Üsküdar kollluğunda on beş gün mikdârı mahbûs olan es-Seyyid Ömer nâm kimesneyi es-Seyyid Mustafa Çavuş mübâşeretiyle meclis-i şer‘a ihzâr ve muvâcehesinde mezbûr es-Seyyid Ömer bundan akdem oğlum İbrahim Üsküdar’da Atpazarı’nda vâki‘ taht-ı icâremde olan handa refîki Mehmed ile ma‘an sol kulağı üzerinden külünk ile darb ve cerh ve katleyledi deyü ba‘de’d-da‘vâ ve’l-inkâr müdde‘î-i mezbûr müdde‘âsını beyâna kādir olmamağla talebiyle mezbûr es-Seyyid Ömer tahlîf olunup müdde‘î-i mezbûr bila-beyyine bî-vech mu‘ârazadan men‘ olundukdan sonra mezbûr es-Seyyid Ömer’in sebîli tahliye olunduğu mübâşir-i merkūm iltimâsıyla huzûr-ı âlîlerine i‘lâm olundu. Fî 27 Rebî‘ülevvel sene 1155