Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 199 Hüküm no: 336 Orijinal metin no: [56a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kara Mehmed’in, Mihaliç’teki kardeşini getirmek vaadiyle Ayşe’den aldığı eşya ve giyecekleri iade ettiği Ma‘rûz Üsküdar’da Tenbel mahallesinde sâkine Âişe hasmı Kara Mehmed ile ba‘de’l-mürâfa‘a mezbûr Kara Mehmed târih-i i‘lâmdan üç ay mukaddem mezbûre Âişe’nin Anadolu’da âsî Mihaliç kazâsında olan karındaşını varıp getireyim deyü mâlından bir incili kuşak ve iki gömlek ve iki havlu ve iki don ve iki uçkur ve bir oya tebsisini? ahz ve mahâll-i mezkûra gitmeyip hâlâ eşyâ-yı merkūme a‘yânıyla yedinde mevcûd olduğu mezbûr Kara Mehmed’in ikrârıyla sâbit ve teslîme tenbîh-i şer‘î olundukdan sonra mezbûr Kara Mehmed eşyâ-yı mezbûreyi a‘yânıyla mezbûre Âişe’ye teslîm edip ol dahi ahz u kabz eylediği bi’l-iltimâs huzûr-ı âlîlerine i‘lâm olundu. Fî 12 Cumâdelûlâ sene 1155