Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 199 Hüküm no: 337 Orijinal metin no: [56a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail ve Ahmet’i döven diğer Ahmet ve Kara Mehmed’in tazirle cezalandırılması Ma‘rûz Sahib-i arzuhâl İsmail ve şâkirdi Ahmed arzuhâlde isimleri mezkûr olan mezbûr İsmail’in karındaşı diğer Ahmed ile Kara Mehmed’i kapı kethudâsı kulları mübâşeretiyle ihzâr ve mürâfa‘a-i şer‘-i şerîf olduklarında mezbûrânı diğer Ahmed ve Kara Mehmed târih-i i‘lâmdan iki gün mukaddem ba‘de’l-mağrib mezbûr İsmail’in odasına varıp merkūm diğer Ahmed karındaşı sahib-i arzuhâl mezbûr İsmail’i kebîr ağaç ile bî-vech darb-ı şedîd ile darb ve yüzünü kara bere eylediği udûlden Süleyman b. Ali ve Feyzullah b. Mehmed şehâdetleriyle vech-i şer‘î üzere sâbit olup mezbûr Kara Mehmed dahi mezbûr Ahmed’i yumruk ve sille ile darb eylediği merkūm Kara Mehmed’in ikrârıyla sâbit olmağın mezbûrân diğer Ahmed ve Kara Mehmed’e şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 15 Cumâdelûlâ sene 1155