Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 209 Hüküm no: 358 Orijinal metin no: [59a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar Evliyâ mahallesinde oturan Mustafa’nın eşi Hatice’yi darb ettiği Ma‘rûz, Üsküdar’da Evliyâhoca mahallesinde sâkine zâtı mu‘arrifeyn ta‘rîfleriyle mu‘arrefe olan Hatice zevci es-Seyyid Mustafa ile ba‘de’t-terâfu‘ târih-i i‘lâmdan bir gün mukaddem sâkine olduğumuz menzilde âsâ-yı kebîr ile işbu mu‘âyene olunan sol elimin baş parmağına darb ve cerh eylediğini da‘vâ, ol dahi inkâr, mezbûre Hatice müdde‘âsını udûlden el-Hâc Osman b. Ömer nâm kimesne ile nisâ tâifesinden Âişe bt. Abdullah ve Hanife bt. Abdullah nâm hatunlar şehâdetleriyle vech-i şer‘î üzere isbât etmeğin mûceb-i şer‘îsi cerh-i mezbûrun ber’ine tevkīf ve Üsküdar’da Kethudâyeri kullarına teslîm olunduğu bi’l-iltimâs huzûr-ı âlîlerine i‘lâm olundu. Fî 3 Cumâdelâhire sene 1155