Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 209 Hüküm no: 359 Orijinal metin no: [59a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakıma muhtaç Ayşe hakkında akrabalarının müdâhalesinin meni Ma‘rûz, Sahibe-i arzuhâl Rukiye ve karındaşı Sâliha hasımları Âmine muvâcehesinde akrabâmızdan derûn-ı arzuhâlde zikrolunan Âişe emvâl ve eşyâsıyla müddet-i medîdeden beri yine akrabâsından olan mezbûre Âmine’nin menzilinde sâkine olup lâkin mezbûre Âişe müsinne ve alîle ve sahibe-i firâş olmağla mezbûre Âişe’yi emvâl ve eşyâsıyla bana teslîm eylesin deyü tasdîr-i da‘vâ eyledikde mezbûretânın da‘vâ-yı mezkûrları meşrû‘a olmadığından mâ‘adâ etrâfının iltimâslarıyla cânib-i şer‘den irsâl olunan Yahya Efendi dâ‘îleri mezbûre Âişe’nin sâkine olduğu menzil-i mezbûra varıp istintâk eyledikde mezbûre Âişe sahibe-i arzuhâlin menziline gitmekden nükûl ve i‘râz ve mezbûre Âmine gereği gibi [59b] kendüyü görüp gözetmekle her vechile râzı ve hoşnûd olup yine mezbûre Âmine ile olmak ihtiyâr eylediğini mezbûr dâ‘îleri mahâllinde tahrîr ba‘dehû ümenâ-yı şer‘le meclis-i şer‘a gelip alâ-vukū‘ihî inhâ ve ihbâr etmeğin sahibe-i arzuhâl mezbûretân Rukiye ve karındaşı Sâliha bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 4 Cumâdelâhire sene 1155