Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 211 Hüküm no: 362 Orijinal metin no: [59b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zoli’nin Üsküdar Yenimahalle’deki evinin değerinin keşfi Ma‘rûz, Sahibe-i arzuhâl Zoli Nasrâniyenin Üsküdar’da Yenimahalle’de bu fakīr bi-nefsihi menziline varıp menzil-i mezbûrun etrâfı Kostantin ve Karabaş ve Tamas zimmîler ve tarîk-i âm ile mahdûd fevkānî iki bâb cedîd odası sekiz ve altı zirâ‘ ve üç buçuk zirâ‘ ve dehliz ve dört zîrâ‘ sofa ve tahtânî kilâr ve kârgir matbah ocağı ve bi’r-i mâ ve bir mikdâr bağçe ve mecmû‘ arsası üç yüz zirâ‘ mikdârı el-yevm füruht olunsa beş yüz guruş eder vakf olup icâreteyn ile îcâr olunsa yevmî iki akçe icâre ile herkes alır, ma‘lûm-ı devletleri buyruldukda emr hazret-i veliyyü’l-emrindir. Fî 6 Cumâdelâhire sene 1155